Confession #1177 "GUGMANG DI MA-SPELLING"

Naay nanguyab sa akua. Highschool ko ato (sa Agusan del Sur Science High School.) dayon College sya. MSUan siya. Okay ra man ang tanan kaso naay usa ka baye nga na-link na sa iya tapos mura pud ug ganahan na siya ana nga baye. Nahibaw-an nako ni kay tungod sa Facebook, syempre. Wallpost2 na dayun ang mga buang. Awp pwahaha. Ako siyang gi-confront. Ana ko kung kinsa ba to siya. Ana siya wala ra kuno toh. Amiga ra. Di daw ko mabalaka kay ako ra daw ghapon iyang gusto. Giahak lang. Haha. Pero nituo ra ghapon ko. Bulukon. Pila ka months ang miagi, medyo cold na siya nako pero iyang mga status kay inspired, happy, mga ingun ana bitaw. Atay ra. Dayun wa na. Nagmessage na jud siya nako nga ""bata"" ra daw kayko para niya, blah blah blah. In short, niundang na siyag panguyab nako. 2 months later, SILA na! Pakpak mong tanan apil ang tiil!!

Nagcollege nako. MSU. (Wa nako siya sundi ha? Barato man gud dnhe pero naay quality education tpos alumni pud akong mama ug papa dnhea. Ahaha defensive ang buang!) Hmm. Tingala ko kay magtext2 napud nako. Ug ako pud nga wa ka-move on, text2 pud niya. Murag naa napuy something nga ambot. Basta, ksbot na siguro mo ahahah. Dayun ang uyab niya, giingnan ko'g kalit thru text nga LUOY daw ko kay ako daw sila ginatry ug bulag tapos gi-amin nya nga naa kunoy times nga na-guilty sila nga gpasakitan ko nila pero sakto na daw kay lisud pud kuno ug sa tibuok kinabuhi nila, guilty sila tungod nako. Hmm! Makasapot! Pero kay bulukon man ko, wa nako awaya. Naghilum-hilom nalang ko.

Kini pong laki, wa ray gbuhat. Wala ra. Siguro kung nagpinatyanay nami ato iyang uyab, gatan-aw ra siya. Tig-score. Gadala ug placard nga naay suwat nga ""Round 1"" hantod unsa nga round.

After pilaaaaa ka months, tua. Nitext napud ang laki. UNSA MANI SIYA? Giingnan na gyud nako siya nga gikapoy nako ana iyang style nga sige'g samok-samok ug balik-balik sa'ko bisag naa na siyay uyab. Niana man kaha nang kagwang nga bsag unsaon kuno, di ra daw gihapon ko niya kaya i-let go. Nga nakuratan daw siya nga gisugot daw siya atong baye imbes malipay siya. Nga bsag sila na, pirme ra kuno ko niya madumduman ug mahisgutan.

Karon, bulag na diay sila atong baye. Dayun occasionally, mutext ra pud ang kagwang. Friends man mi pero hantod karon, wa ra ghpon ko kasabot niya. Kung unsa ba, ganahan pa ba siya nako or dili. As in di jud siya maspelling. Labad!

Gubot noh? Ahahaha sorry kung niabot mo'g basa taman diria. "

Agusanong Chinita 
College of Public Affairs