Confession #1013

Hello mga kapwa adik sa MSUans Confessions! Hello Admins!

Istoryang paningkamot sa ta ha, medyo daghan na man gud kaayo istoryang gugma2x diha. Unta mapost ni.

Nakabasa ko atong gicomment ni mala-highway sa kataas nga comment ni Admin Yay ba sa #975 nga confession. Ug nakahunahuna ko. Lahi-lahi jud bitaw ang gigikanan sa matag estudyante sa MSU.

Siguro kadaghanan nato nga mi-eskwela sa MSU adunay mga ginikanan, igsoon, paryente o kaila nga nagapa-eskwela nato. Naa poy uban daghan nga mga iskolar. While naa poy uban diha nga gikan sa arang-arang nga pamilya, or let's just say may kaya.

Pero hindi rin natin maipagkakaila na marami rin namang galing sa malalayong probinsiya. Sa kung sa bisaya pa, mga taga bukid.

Dili ko taga bukid. Taga syudad ko. Pero uyamot gihapon. Mas maayo pang taga bukid kay manok, yobabs, kanding, o unsa ba diha. Ako wala.

I'll try to be brief sa akong story. Medyo tigulang na ko ron pero mag 3 years pa since nakasulod ko sa MSU. Mao pay pag-college nako ato. Ngano? Kay mas gipili nako nga una makahuman akong mga manghud. Nitrabaho ko para nila. Karon kay nakahuman na man sila ug naa nay mga trabaho maong naka-decide ko na mo-eskwela na pod ug i-try nga habulin ang aking mga naudlot na pangarap sa buhay.

First sem nako, ginapadalhan ko og allowance sa akong mga manghud. Lipay kaayo ko ato kay feeling nako nagbunga ra jud pod ang akong gihagoan sa una. Pero pag-abot og 2nd sem, hinay-hinay na ilang ipadala. Naay months nga mopadala na lang sila ug 500 every other week. Kay naa pod silay ilang mga gikaproblemahan kuno. Pero siyempre as magulang, and naanad pod ko nga wa nagsalig sa ila, wala lang pod nako sila ginakulit. So, 1k lang for that month? Patay ang bata, kulang ra kaayo na. Cottage pa lang daan, gamay na lang jud mabilin. So, mao to...Pila ko ka bulan wala gabayad sa cottage. Mura kog ninja kung mouli, maningkamot nga di makit-an sa landlord.

Dayon pirmi ko ato 1day-1eat. Kanang tipong usa ka sud-an sa all seven dayon daghanon lang jud ang rice basta naa lay bugas malung-ag. Didto nga time daghan kung nahiram. Nahiram nga kwarta, nahiram nga bugas. Didto ko nakat-on anang manghiram ka ug kwarta aron ibayad sa imong nahiram pod. Ingon ana lang ba cycle..Para lang jud mo-survive.

Mao to, niingon jud ko sa ako kaugalingon nga kung makalugar ko mobaba ko ug iligan. Mosulay ko duol sa akong mga amigo didto basin naa silay mapatrabaho sa ako bisan unsa para lang jud naa koy magasto sa akong pag-eskwela, naa ra koy makaon sa MSU. hinuon, naa ra jud pod kaluoy ang ginoo, nitabang bya jud pod ang akong mga amigo.. Gihatagan ko nila ug trabaho nga mabuhat ra nako while ga-eskwela ko. Mao to. Naka-income ginagmay ug hangtod nasurvive nako to nga sem, ug ang misunod pa nga sem.

Lisod jud moeskwela kung walay nagasuporta nimo. Pero kung maningkamot lang jud, makakita ra man ug pamaagi. Bisan pag mura na kag galutaw sa hangin kay wa na diay kay kaon sulod sa usa ka adlaw, ayaw lang jud paluya. Makaya ra lagi na.

Karon, gi-share nako ni kay nabalaka ko kung mawala ang TP sa MSU. Kung mawala ang TP sa MSU, mas molisod na jud para sa mga susama nako ang pag-eskwela. Mao nay klaro diha. Kung mawala ang TP, unya kung moincrease pa jud ang tuition, unsaon na lang man namong mga uyamot nga maka-enrol mi? Nga sa tinuod lang gani, ultimo pangkaon while mag-eskwela subidahunon kaayo, png tuiton pa kaya puhon?

Sa MSU ko mieskwela kay maoy pinakabarato sa tibuok Mindanao. Pati ang cost of living. Nakaabot pa ko atong 85 pesos pa ang tuition hangtod sa nag 50/unit. Ningkamot jud tawon ta nga dili maka-INC or mahagbungan para maka-TP pero nakatilaw jud tag bayad sa 50/unit. Sige lang. Kung mag-increase jud bitaw ang tutition no unya mawala pa jud ang TP, daghan jung magkagidlay ba. Akoy maluoy sa mga bata nga di pa kaayo kahibalo mangita og pamaagi, for sure daghan sa ila ang mogive-up na lang ug manguli sa ilang mga bukid kay di na ka-afford. Lahi-lahi bya tanang tawo, di bya tanan sama nako nga masamang damo bisan asa ibutang kay makatubo ra jud.

Mao lang ng akong sugilanon. Unta it made sense to you ug samot na atong uban nga ganahan nga mo-increase ang tuition sa MSU o dili ba kaha atong uban nga pabor mawala pod ang TP.

lumad nga taga syudad
College of Natural Sciences and Mathematics